15. التحيز

موضوع حلقتنا الإسبوع ده عن التحيز أو الانحياز بشكل عام ، واللي درس علم نفس هيبقى فاهم احنا بنتكلم على ايه ولكن احنا هدفنا ديماً تبسيط المعلومة بشكل يفيدنا في المجال المالي
الانحياز بيحصل غالباً وقت إتخاذ القرار ، لأن الناس ديماً بتتأثر بتحيز معين أو بفكرة معينة بتبقى قريبة لشخصيتها أو مقتنعة بيها أو أتربيت عليها

بنتكلم في الحلقة على أكتر 7 تحيزات بيأثروا في البدايات :
01:44 تحيز النفور من الخسارة (الهروب من الخسارة)
04:35 تحيز الوضع الراهن
06:20 تحيز التأكيد (التحيز الذاتي)
07:55 تحيز أثر عربة الفرقة الموسيقية (عقلية القطيع)
10:04 تحيز فترة الأهتمام المحدودة
12:03 تحيز الترسيخ
14:26 تحيز الثقة المفرطة
19:24 النصيحة الأخير

الخوف ، القلق .. كل دي مسميات لمشاعر بنحسها وبتمنعنا إن أحنا نبدأ ، خليك عارف إن أنت بتاخد مخاطر في الحياة أكبر بكتير من أنك تستثمر بس أنت مش واخد بالك.. ابدأ والخطوات الصغيرة البسيطة اللي فالأول هي المهمة
هدفنا في بودكاست كلام ينور إن الناس اللي عمرها ما أبتدت تبدأ ، لأن كل ما تبدأ بدري كل ما الموضوع هيبقى أسهل عليك قدام في إن أنت تستثمر وتحقق الأهداف والنتائج بتاعتك

زوروا موقعنا الإكتروني هتلاقوا الحلقة مكتوبة وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

14. بدايات الادخار - الجزء الثاني

اهلاً بيكوا في الجزء التاني من بدايات الادخار
اتكلمنا في الجزء الأول عن ازاي تبدأ ادخار ، حلقة النهاردة تكمله لكلامنا مع ناصر على الادخار وبنرد على تساؤلات زي :
- يعني ايه ادخار؟
- ازاي أختار نوع حساب التوفير المناسب من البداية ؟
- هل كل الفلوس اللي انا بحوشها احطها في حساب توفير ولا أوزعها على كذا حاجه؟
- أنا بحوش لإيه؟
- دور المستشار المالي ؟
- امتى ابقى عارف ان ده الوقت المثالي اني ابدأ استثمار
- ازاي أعلم طفل يحوش؟
- دور المدرسة في تعليم أولادنا الادخار؟

لو انت بتسمع الحلقة دي ولسه مبدأتش لازم تعرف ان
The Earlier The Better
انت ممكن تسمع الحلقة وتحس بإحباط وممكن برده تاخدها تنبيه ليك عشان تبدأ ، ولازم تعرف الوقت عمره ما هيفوت مهما كان سنك.. ابدأ. الموضوع مش سهل ومحتاج تعود نفسك وتعرف هدفك وتحط الخطه المناسبة لظروفك وتلتزم بيها مهما كانت العوائق وكل ما تبدأ بدري كل ما بشكل كبير معدل الادخار بتاعك هيقل مع الوقت وهتقدر تعيش حياة أحلى بكتير

زوروا موقعنا الإكتروني هتلاقوا الحلقة مكتوبة وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

13. بدايات الادخار - الجزء الأول

عايز أحوش فلوس وأعمل حساب المستقبل ومش عاوز مفاجات تحطني في مواقف معرفش اتصرف فيها.. عاوز ديماً يبقى عندي فلوس على جنب.. أعمل ايه؟ وابدأ ازاي؟

حلقتنا الإسبوع ده مختلفة لأن ولأول مرة يكون معانا co-host بيشارك شمس تقديم الحلقة
Co-host حلقتنا الإسبوع ده هو أحمد ناصر. دكتور صيدلي ، وصديق مقرب لشمس
تقدروا تعرفوا ناصر أكتر وتتواصلوا معاه من خلال الرابط :
Instagram / Twitter : @7ashad

حلقتنا الإسبوع ده واللي جاي عن الإدخار.. ازاي نبدأ نحوش ، و ايه العلامات اللي بنشوفها في الطريق عشان نوصل للأهداف المطلوبة؟

في هذه الحلقة :
- بند الادخار بيجي فين في مصاريفك الشهرية ؟
- هل أصرف كل البنود بتاعتي وبعدين أحوش ؟
- ايه الفرق بين التكلفة الثابتة والتلكفة المتغيرة ؟
- يعني ايه benchmark ؟
- بنتكلم عن بحث Fidelity اللي قلب الدنيا وإفتراضات البحث ده كانت ايه ؟
https://www.fidelity.com/viewpoints/retirement/how-much-do-i-need-to-retire
- هل إدخار 10% من مرتبك ده رقم كبير؟
- ما هي خطط التقاعد ؟
- ليه هدفك وانت بتتقاعد ان يبقى معاك 10 مرات من مرتبك ؟
- كل ما بتتأخر في الادخار كل ما صعوبة تحقيق الهدف بتاع التقاعد بيصعب أكتر؟
- هل المهم الادخار أم العوائد ؟

استنوا حلقتنا الإسبوع الجاي هنكمل كلامنا عن الادخار مع ناصر
www.kalamyenawar.com

12. هل أنت غني أم ثري؟

يعني ايه راجل غني ويعني ايه راجل ثري؟
بناقش في حلقتنا الاسبوع ده مفهوم كلمة (غني) و كلمة (ثري) من المنظور المالي وايه الفرق بين المفهومين دول؟
الترجمة الحرفية للكلمتين في المعجم ممكن تكون مختلفة شوية عن اللي بنقوله في الحلقة ولكن كلامنا خاص بالمتعارف عليه في المجال المالي
يا ترى انت عايز تكون غني ولا ثري !
النوعين أكيد بينهم شيء مشترك وهو توافر مبالغ مالية أعلى من المعدل العادي واللي بتخلي شكلهم في المجتمع أعلى من العادي
ولكن الفروقات بينهم كتيرة وهو ده محور حديثنا هذا الأسبوع
ليه أكبر مستثمرين في العالم لو شوفتهم ماشين في الشارع مش هتعرف تفرقهم عن اي راجل عادي طبيعي؟
هل الصرف معناه تحقيق السعادة؟
هل الثراء في المال فقط؟
لو انت غني أو بيدخلك دخل كويس جداً وحابب تنتقل من فئة الأغنياء لفئة الأثرياء ممكن تعمل ايه؟

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

11. ما وراء طلب القرض

عامل ازاي.. ولأن القرض ده حاجه بتقعد معاك فترة طويلة ممكن توصل لـ 25 سنة في بعض الدول فلازم تعمل مجهود وانت بتاخد القرض وتبقى فاهم ايه التوابع اللي هتحصلك من القرار ده.. لازم تعرف ان الأقتراض سلاح ذو حدين.. القروض ممكن تحقق لك سعادة النهاردة ولكن بعد فترة طويلة هتبتدي تدفع التمن ده أكتر بكتير.. احنا مش ضد القروض ، بس لازم يخلق منفعة اقتصادية

: بنتكلم في الحلقة عن
يعني ايه أقتراض وليه بنقترض؟ -
إيه الحاجات اللي الناس بتقترض ليها -
ازاي نحسب قسط القرض -
تمويل البنوك ، وإيه انواع القروض اللي بيقدمها البنك ، والفرق بينهم؟ -
ايه الفرق بين الفايدة المتناقصة والفايدة الثابتة ، وايهما بيأثر على جيبك وميزانيتك ؟ -
إجابه سؤال (القرض بفايدة ثابتة ام متناقصة) مهم جدا تسأله لموظف البنك هيعرفك حاجات كتير في حجم الفايدة اللي انت هتدفعه -
لأن البنوك ديما بتستخدم الفايدة الأقل تعلن عنها كنوع من الجذب او الدعاية
لو عرفت قيمة الفايدة الثابتة ازاي اقدر أحسب الفايدة المتناقصة -
امتى مفروض تاخد قروض؟ -

وفي النهاية لازم تبقى عارف ان دوامة السلف مشكلة علاجها بيبقى صعب وبتأثر عليك نفسيا جدا لانك ديما حاسس انك مبتخرجش من الديون
فمهم جدا من الاساس لما تستلف او تقترض تبقى عارف انت بتستلف ليه وخسران ايه من الحركة دي على المدى الطويل

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

10. ما يسأله المستمعون - الجزء الأول

حلقتنا الأسبوع ده هي رد على أسئلة أتبعتت لنا من مستمعين للبودكاست على صحفتنا على انستجرام

أول سؤال من أستاذ عبد الله غانم سألنا ازاي أستثمر جزء من مدخراتي في عمل جانبي؟
وأمتى ابدأ أدعو أصحابي أو مستثمرين جدد لمشاركتي في مشروعي؟
بنتكلم كمان عن لو عندي عجز في توفير المبلغ المطلوب لتنفيذ مشروع ممكن أسد العجز ده ازاي؟

السؤال التاني والتالت من بشمهندس اسلام عادل وأستاذة عاليا عودة وسألونا عن الأستثمارات ولو حابب ابدأ أستثمر أستثمر في إيه؟
؟ (Asset classes) ما هي فئات الأصول
هل لازم استثمر فلوسي في كل فئات الأصول دي عشان أكون مستثمر كويس؟
تعتبر فئة أصل؟ Bitcoin هل العملة المشفرة زي الـ

تابعوا الحلقة العاشرة من كلام ينوّر وأبعتولنا على صفحتنا على انستجرام اسئلتكم وآرائكم عشان نرد عليها وتشاركونا في الحلقات اللي

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

9. يوفوريا

ضيف حلقتنا الاسبوع ده هو مصطفى عبد العزيز
مصطفى هو شريك إداري ومؤسس لشركة ACT Financial
خبرته تزيد عن 18 عام في أسواق رأس المال في مصر والشرق الأوسط وشمال إفريق
حاصل على بكالوريوس في الاقتصاد والعلوم السياسية من جامعة القاهرة عام 2002
و ماجستير إدارة الأعمال التنفيذي (EMBA) من جامعة شيكاغو عام 2019

كتاب (يوفوريا) تأليف مصطفى عبد العزيز ، الكتاب في مرحلة الإعداد ولم ينشر بعد..

في حلقة النهاردة مصطفى بيحكلنا على مشروع الكتاب اللي هو بيكتبه حالياً بعنوان "يوفوريا" ..
• يعني ايه يوفوريا؟ وإيه علاقة اليوفوريا بالمجال المالي وازاي اليوفوريا بتأثر على حياتنا
• بنتكلم كمان عن المراحل اللي بيمر بيها السوق المالي
• وازاي ضغط الأسعار بيأثر علينا نفسياً
• اسباب تقلبات السوق وازاي يبقى عندنا وعي بالمراحل النفسية للاستثمار
• إدمان البورصة ، وازاي أفرق بين الاستثمار و المقامرة!
• ولو انا مستثمر غير متخصص ألجأ لمين عشان يساعدني اختار الاستثمار المناسب ليا؟
• وفي نهاية الحلقة نصيحة مهمة جداً للمقبلين على الاستثمار..

تقدروا تتواصلوا مع مصطفى على :
https://www.linkedin.com/in/mostafa-abdelaziz-9644ba72/

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

8. هل للوقت تأثير على الفلوس؟

حلقتنا الأسبوع ده مختلفة شوية.. وده لأن ولأول مرة يشاركنا في النقاش ضيف مميز
مروان حايك ضيفنا اللي منوّرنا الأسبوع ده في كلام ينوّر

مروان حايك هو شريك مؤسس لشركة introspect capital
حاصل على ماجيستير في إدارة الأعمال (MBA) وخبرته طويلة في المجال المالي منذ 2008.

بنتناقش مع مروان في فكرة الـ "Time Value of Money" أو "القيمة الوقتية للمال"
• ما هو الوقت؟ وهل الوقت عامل في تحديد قيمة الفلوس؟
• التضخم – وما هيه اسباب حدوث التضخم؟ وهل التضخم متصل بأداء الدولة؟
• دور الودائع البنكية.
• ليه الفوايد البنكية في دولة زي مصر مرتفعة مقارنة بدول الخليج وأمريكا؟
• ما هي تكلفة الفرصة البديلة وازاي اقارن بين فرص الاستثمار المتاحة و أقدر أختار الفرصة اللي هتحقق لي أعلى عائد.

تقدروا تتواصلوا مع مروان من خلال الرابط :
https://www.linkedin.com/in/marwan-hayek-cfa-bb6170b/

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

7. التقاعد

حلقتنا الاسبوع ده واحده من أهم حلقات بودكاست كلام ينور..
موضوع حلقتنا عن التقاعد.. التقاعد واحد من أهم وأكبر المشاكل اللي بتواجهنا في المنطقة العربية تحديداً.
الهدف من الحلقة هو تغيير فكرنا ونظرتنا لمرحلة التقاعد على انها مرحلة بعيدة في حياتنا واننا مش مضطرين نفكر فيها من دلوقتي وازاي تكون فاهم ومستعد مالياً لفترة التقاعد..

بناقش التقاعد من خلال 5 نقاط اساسيه:
1. ليه لازم نفكر في التقاعد من بدري
2. أبعاد مشكلة التقاعد في المنطقة العربية
3. تصور عام لمرحلة التقاعد
4. أنظمة التقاعد في الدول المتقدمة
5. أفكار وملخص عن الحلقة
لازم تكون عارف ان كل ما تبدأ تخطيط لمرحلة التقاعد من بداية حياتك الوظيفية ده هيسهل عليك كتير تتجنب مشكلة التقاعد في المستقبل ، وهتكون قادر تحمي نفسك ومتكونش مسبب عبء مالي على أهلك وأولادك

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

6. ما وراء شرا العربية

• هل امتلاكك لعربية أو أي وسيلة مواصلات خاصة مناسب ليك و لميزانيتك ودخلك ولا استخدامك لوسيلة مواصلات اخرى زي (أوبر) قد يفي بالغرض!
• ولو عندك مدخرات هل الأفضل تشتري عربية ولا تشتري أصل ثابت؟؟
• لازم تكون فاهم بشكل واضح أن شرا عربية هو تاني أكبر قرار ممكن تاخده فى حياتك بعد شرا بيت ، وتعرف ان توابع القرار ده هيأثر على صحتك النفسية لسنين قدام سواء هيسبب لك سعادة أو تعاسة.
• العربية سلعة وبعد فترة هتتعود على شكلها ومساحتها الداخلية ومع الوقت ممكن ما تحققلكش السعادة المطلوبة.
• الضغط المجتمعي (المقارنة المستمرة مع الجيران والأصدقاء والأقارب) وازاي ممكن يؤثر على صحة قرارك.
• بنتكلم عن ٧ بنود أساسية لمعرفة التكلفة الحقيقية للعربية.
• معرفتك بالتكلفة الحقيقية للعربية أو أي وسيلة مواصلات تريد امتلاكها هيسهل عليك المقارنة بين مختلف العربيات سواء من حيث انها قديمة او حديثة وكفاءة الموتور وهكذا..
• بنتكلم كمان عن تكلفة الفرصة البديلة وازاي هيكون ليها قيمة كبيرة في المستقبل.

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com