35. من وراء كلام ينور - مزيكا

موضوع حلقة النهاردة ده مش مالي كالعادة موضوعنا النهاردة فني شوية لأن معانا ضيف يعتبر صاحب مكان .. واحد من فريق كلام ينور .. بلال علي ضيفنا اللي منورنا النهاردة هو منتج موسيقي ومؤلف أغاني خبرته في المجال الموسيقي أكتر من 10 سنين وهو صاحب المزيكا اللي كلنا بنسمعها في بداية الحلقات
تقدروا تتابعوا بلال وتتواصلوا معاه من هنا: fuzzylittlebrain@Instagram
بندردش النهاردة مع بلال في المزيكا وتجربته مع كلام ينور

أحكيلنا قصتك مع كلام ينور؟
إيه الخطوات اللي بتعملها عشان تنتج تراك؟
العلاقة ما بينك وبين العميل بتاعك بتبقى عاملة ازاي؟
مين بلال؟
هل بتعمل حفلات خاصة بيك؟
ما بين الإنتاج الموسيقي والحفلات والشغل اللي بيطلب منك إيه أكتر حاجه أنت بتحبها؟
إيه أصعب تجربة عدت عليك؟
كفنان أو صانع محتوى أو متابع للسوق الفني عموماً إيه اللي انت شايفه من وجهة نظرك ممكن نعمله لتحسين كلام ينور؟
هل أنت شايف إن البودكاست ده ممكن يفيد الوطن العربي بالذات؟
شايف انك ممكن تكون بتعمل إيه بعد 5 سنين مثلاً؟

حبينا في حلقة النهاردة نعرفكم على التجربة اللي مرينا بيها عشان نطلع البودكاست ده أملاً منا أنها تكون حلقة ملهمة لأي حد بيسمعنا وحابب يبدأ حاجه خاصة بيه أيا كان نوع المحتوى اللي أنت حابب تقدمه أنت مش محتاج يبقى عندك شركة كبيرة عشان تنتج حاجه شكلها متميز أنت ممكن تستعين بناس تانية في أماكن تانية في تخصصات مختلفة تساعدك وهي دي ميزة التكنولوجيا الحديثة انها سهلت التعاملات وانك تقدر توصل لأي حد في أي مكان

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

34. ١٠ أخطاء شائعة تمنعك من الاستثمار(إعادة)

حلقة النهاردة هي إعادة لحلقة رقم 5 بعنوان (10 أخطاء تمنعك من الاستثمار) بنتكلم في حلقة النهاردة عن بعض المفاهيم العامة المغلوطة والموروثات الفكرية الخاطئة في مجال الاستثمار المالي وازاي نتجنب الوقوع فيها

الهدف من إعادة الحلقات بيكون شيء متعمد لأسباب كتيرة زي أهمية الموضوع نفسه أو تجهيزاً لحلقات جايه ، ونظراً اننا هنتكلم في الحلقات اللي جاية إن شاء الله عن حاجات ليها علاقة بالاستثمار فحبينا نفكركوا بالحلقة دي كمان عشان الناس اللي بتسمعنا لأول مره تتابع معانا حلقة النهاردة بتنقسم لجزئين جزء خاص بـ 5 مفاهيم هتمنعك تبدأ استثمار و 5 مفاهيم
هتعيق وتأخر رحلتك في الاستثمار

*مفاهيم هتمنعك تبدأ استثمار*
- عشان استثمر لازم أكون غن
- متابعة الاستثمار بيحتاج وقت طويل
- أنا صغير/ كبير أوي إني ابدأ
- عشان استثمر لازم اكون خبير
- في الاستثمار مخاطرة كبيرة
*مفاهيم هتعيق وتأخر رحلتك في الاستثمار*
- لازم اعمل فلوس بسرعة
- الأعتماد على العوائد التاريخية في توقع او ضمان العوائد المستقبلية
- أشتري رخيص وأبيع غالي
- مخاطرة أعلى = عائد أعلى
- هخسر السيولة بتاعتي بمجرد ما ابتدي

#تحديثات كلام ينور :
مؤخراً عملنا استطلاع رأي إيه صفحات السوشيال ميديا اللي حابينا نتوسع عليها ومن أكتر الإجابات كان فيسبوك وتويتر فاحنا استجابة لرغباتكم بدأنا فعلياً نفعل صفحة الفيسبوك بتاعتنا وعلى أول السنة الجديدة هنبدأ نفعل توتير وكمان خلال شهر أو شهرين إن شاء الله هنبدأ نعمل زي جلسات لايف (بث مباشرصوتي) ونتكلم مع الناس وناخد اسألتهم بشكل مباشر فتابعونا هتلاقوا كل اللينكات موجودة هنا وعلى موقعنا الإلكتروني كمان
www.kalamyenawar.com

33. التكلفة الحقيقية للتدخين

التدخين عادة من العادات اللي بنشوفها في مجتماعتنا بشكل كبير جداً ، عادة صعبة ومش من يوم وليلة بتقدر تبطلها أو تخرج منها .. طبعاً لا يغفل على أحد أضرارها الصحية ولكن النهاردة احنا بنتكلم على أضرارها من المنظور المالي .. ازاي التدخين بيأثر على حياتك المالية؟ وإيه هي التكلفة الحقيقية للتدخين؟

هدفنا من حلقة النهاردة هو اننا نقول لحضرتك لو قررت تبطل تدخين إيه الفرص البديلة المتاحة قدامك وإيه أفيد استثمار ممكن تعمله بالفلوس اللي أنت وفرتها من التدخين .. ولو قررت تكمل كمدخن تكون واخد قرارك ده عن وعي وعارف أنت بتتخلى عن إيه بالمقابل

في هذه الحلقة :
00:45 المقدمة
01:21 التدخين
01:50 متوسط العمر المتوقع للمدخنين بيقل بمقدار 10 سنوات عن المعدل الطبيعي
02:33 3 أمراض سببها التدخين
03:11 الإقلاع عن التدخين قبل سن الأربعين يقلل من خطر تعرضك لأمراض التدخين بنسبة 90%
04:24 الأضرار الإقتصادية للتدخين (وفقاً لبحث أجراه المعهد الوطني للسرطان في أمريكا)
08:16 صحتك وفلوسك (الأختيار ليك)
09:45 الأعباء الإقتصادية على الدولة بسبب التدخين (المصاريف الطبية)
10:31 التكلفة الغير مباشرة على الدولة (مبادرات وحملات علاجية)
10:58 تاُتير التدخين على الأقساط التأمينية (تأمين صحي علاجي أو بوليسة تأمين على الحياة)
12:43 بدل عادة التدخين بعادة صحية (أكل صحي ، رياضة ، صيد ، ... إلخ)
14:10 تكلفة الفرصة البديلة للمدخنين
15:01 التدخين السلبي
15:23 الخاتمة

في نهاية الأمر التدخين بنسبة 95% قرارك أنت وهيأثر عليك أنت في المقام الأول سواء صحياً أو مادياً ، احنا بس بنوريك كل الجوانب وفي الأخر الأختيار ليك أنت

تقدروا تستخدموا موقعنا www.kalamyenawar.com كمصدر للمعلومات ، هتلاقوا الحلقة كلها مكتوبة هناك لو حابين تاخدوا ملاحظات منها أو لو حد بيفضل القراءة عن الاستماع ، كمان هتلاقوا ترجمة لأي كلمة إنجليزي اتقالت في الحلقة ، وهتلاقوا كمان التقسيم الصوتي بالدقايق مكتوب لو عاوز تروح لحته معينة في الحلقة وتسمعها

32. الخصومات وألوان الجمعة المختلفة : الحقيقة المُرة

في الفترة الأخيرة بدأ يظهر في المنطقة العربية موسم تسوق الجمعة البيضاء ، كل سنة بداية من شهر نوفمبر وحتى نهاية السنة بيحصل عروض وخصومات كبيرة على سلع كتيرة مبتحصلش تقريباً طول السنة سواء في المحلات أو في مواقع التسوق الإلكترونية

وبما اننا في موسم التسوق ده فحبينا نقولكم شوية معلومات ليها علاقة بأساليب الدعاية والحيل التسويقية اللي بتأثر علينا سيكولوجياً وبتخلينا نستهلك أكتر من أحتياجاتنا

00:44 المقدمة
01:03 أساليب الدعاية
01:25 الحيل التسويقية
01:57 أسلوب : 0.99
02:27 أسلوب : المتاهة
03:30 أسلوب : عرض سعر القسط
04:29 أسلوب : 100% أورجانيك
05:39 تأثير المزيكا على المتسوق
06:13 سيكولوجية التسعير
09:42 أسلوب : الفرصة الأخيرة
11:05 النصيحة المتبعة في محلات السوبر ماركت
12:09 اشتري واحدة وأحصل على التانية مجاناً
14:00 اللعب على سيكولوجية المتعامل
15:00 أوكازيونات البلاك فرايداي
15:56 لأنك عميلنا المميز
16:58 التقبل المجتمعي للمنتج (الريفيوز)
18:20 المنافسة السعرية
19:55 الخاتمة
هدفنا من الحلقة دي نقولك خد بالك لو الحاجات دي بتحصلك يبقى دي علامة إنك ممكن تشتري حاجه انت مش محتاجها.. فديماً حاول تشتري الحاجه انت محتاجها بغض النظر عن العروض والخصومات ومع الوقت أسلوبك الإستهلاكي هيتغير ودي خطوة أولية إنك تاخد الفلوس دي بدل ما تشتري بيها سلعة إستهلاكية تحطها في حساب التوفير بتاعك ومع الوقت توصل للحرية المالية

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

31. ما وراء اختيار البنك

اتكلمنا في الحلقة 24 - خُلاصة الحسابات البنكية - عن الأدوات الادخارية اللي البنك بيقدمهالك ، موضوعنا النهاردة هو ازاي تختار البنك المناسب ليك سواء كنت طالب في الجامعة لسه هتبدأ تتعامل مع الفلوس أو بدأت حياتك المهنية وبتتعامل مع البنوك بشكل يومي..
ولأن كل واحد عنده احتياجات مختلفة عن الاخر فلازم تكون فاهم إيه أحتياجاتك والبنك ده هيقدملك خدمات إيه وإيه مميزاته وإيه عيوبه؟ لو حابب تفتح حساب في بنك تاني هتختار البنك بناءاً على أي اساس؟

في حلقة النهاردة بنتكلم على 5 نقاط رئيسية تقدر من خلالها تقيم أي بنك وتقارن بين البنوك وتعرف أي بنك مناسب ليك

00:45 المقدمة
02:00 هل البنك ده سهل في الاستخدام؟ هل فروعه كتير وقريب من بيتي أو قريب من المكان اللي بشتغل فيه؟
02:49 هل خدمة العملاء بتاعته على المستوى المطلوب؟
03:10 هل عندهم خدمة عبر الهاتف كويسة؟
03:27 هل في ماكينات صراف آلي متوفرة في أماكن كتير؟ وهل بدفع عليه فلوس لو هو بره الشبكة بتاعه؟
03:53 هل البنك بيقدم خدمات صرّاف آلي ذكية؟
04:38 كمدخر بستخدم البنك للاستثمار إيه اللي أنا محتاجه من البنك؟
06:03 هل البنك بيدي صناديق استثمار ممكن استثمر فيها؟
06:05 هل البنك بيمكني من الاستثمار في أذونات الخزانة؟
06:51 هل البنك عنده شركة سمسرة تابعة ليه؟ وهل أقدر اشتري أسهم من خلال الحساب المباشر بتاع البنك؟
08:11 لو أنا عايز أشتري بيت أو عربية ، أو عايز أعمل مشروع ، هل البنك بيقدملي أفضل خطط تمويلية في السوق؟
08:57 هل البنك بيقدملي أحسن فوايد بالنسبة للسوق؟
09:24 هل البنك بيديني حرية قفل التمويل في أي وقت؟
10:00 قد إيه سهل أني أجيب قرض؟
10:51 خدمات الإنترنت البنكية .. مميزاتها وازاي استفيد منها؟
12:23 ليه خدمة الدفع المتكرر مهمه؟
14:07 ليه استخدم خدمة الدفع المتكرر؟ ليه معملش العمليات دي بنفسي؟
16:59 هل ممكن أتواصل مع البنك كتابياً عن طريق الإنترنت؟
17:49 هل البنك بيقدم برنامج مكافآت زي الاسترداد النقدي والعروض؟
18:49 هل ممكن أفتح حسابات مشتركة؟
19:09 هل ممكن يكون عندي كذا كارت ائتماني على نفس الحساب؟
19:33 هل ممكن يكون عندي كذا حساب في كذا بلد؟
20:41 هل ممكن يبقى عندي كذا حساب في كذا بنك؟
21:34 الخاتمة
ده ملخص لأهم النقاط اللي لازم تفكر فيها وأنت بتختار أي بنك مناسب ليك .. ولو شايف إن في حاجات تانية مهمه متقالتش في الحلقة أو شايف أن في اي حاجات مش مظبوطة 100% أو لو ابتديت تطبق الكلام ده ياريت ديماً تبعتولنا على صفحة الانستجرام تشاركونا ارآئكم وتجاربكم

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

30. من أنتم؟ (نحن نعلم عنك الكثير)

حلقة النهاردة عنوانها (من أنتم) من أنتم مستمعين كلام ينور
زي ماحنا متعودين كل 10 حلقات بنعمل حلقة بعنوان (ما يسأله المستمعون) بنرد فيها على اسئلتكم اللي بتبعتوهالنا على صفحة الانستجرام الخاصة بينا سواء في رسالة مباشرة أو بتكتبوهالنا في التعليقات ولكن حبينا في الحلقة 30 نعكس الموضوع شوية ونشوف إجابتكم أنتم على اسئلتنا

وللي مش متابعنا على الانستجرام احنا كل اسبوع تقريباً من وقت ما بدأنا البودكاست بنزل سؤال على شكل إقتراع أو تصويت بنسألكم اسئلة خاصة بالمجال المالي وإجابة السؤال ده بتكون بـ آه أو لأ في معظم الأوقات
تقدروا تتابعوا صفحتنا من هنا : kalamyenawar@Instagram

الاسئلة دي بتساعدنا نعرفكوا أكتر ، نعرف بتفكروا في إيه وحاسين بإيه وإيه المفاهيم الخاطئة أو المشاكل اللي بتواجهكوا في الحياة المالية وبناءاً على إجاباتكم وأختياراتكم بنقدر نختار الموضوعات اللي بنحس انها مهمه بالنسبة لأغلب الناس
من وقت ما بدأنا كلام ينورعملنا تقريباً 97 إقتراع ، في حلقة النهاردة بنحاول نشوف إجاباتكم على الاسئلة اللي سألناها كانت إيه بالنسب والأرقام

00:45 المقدمة
02:10 ليه بناقش الموضوع ده؟
02:59 هل بتشعر إن حياتك المالية بتأثر على صحتك النفسية؟
04:07 10 أخطاء شائعة في الاستثمار .. كام خطأ قولته لنفسك؟
08:24 هل سألت نفسك استثمر في إيه؟
08:50 هل الفلوس (غاية) أم (وسيلة)؟
09:25 تفتكر في كام % في أمريكا بيسددوا الفوايد على بطاقات الائتمان في الميعاد؟
09:54 بتضايق لما تقدم على قرض؟
11:40 بتاخد (مصروف) أو (مرتب)؟
12:04 هل ممكن ترشح كلام ينور لأصحابك؟
12:21 هل عندك خطة مالية؟
13:02 هل تعرف إيه أفضل استثمار مناسب ليك؟
13:27 هل تعاملت قبل كده مع شركة سمسرة؟
14:05 نفسك تكون .. (غني) ولا (ثري)؟
14:30 هل تعرف أنواع صناديق الاستثمار؟
15:07 هل حسبت مصاريف إقتناء حيوان أليف قبل ما تشتريه؟
15:46 تعرف إيه عن نشرة إكتتاب صناديق الاستثمار؟
16:27 هل فكرت في خطة للتقاعد؟
17:04 هل ممكن تستثمر في العقار؟
17:28 هل بتسمع كلام ينور .. (على الموقع) ولا (على منصات البودكاست)؟
18:23 تخيلك عن خطة التقاعد بتاعتك .. (فسح وسفر) ولا (قاعدة وفرجه على التلفزيون)؟
19:43 ازاي بتحاول تزود دخلك .. (شغل إضافي) ولا (زيادة في المرتب)؟
20:45 الخاتمة

تقدروا ديماً ترجعوا للحلقات اللي فاتت هتلاقوا إجابات الاسئلة اللي قولناها وأكتر كمان.. وياريت ديماً تشاركونا بإجاباتكم على الاسئلة اللي بنطرحها على صفحتنا على الانستجرام لأنها بتفيدك تعرف انت واقف فين ومحتاج تشتغل عليه أكتر وبتفيدنا احنا كمان في اختيار الموضوعات اللي بتهمكوا ، وكل فترة هنحاول نعمل حلقة نشوف فيها إجاباتكم ونقيس بيها التطورات اللي حققناها وهل أرقامنا بتتحسن ولا لأ ومحتاجين نشتغل على إيه أكتر

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

29. الاكتتابات العامه IPO

بنتكلم الإسبوع ده عن الإكتتابات العامة ، نظراً لأن المنطقة العربية بتشهد الفترة دي مجموعة كبيرة من الإكتتابات والطروحات الجديدة
بينضملنا النهاردة ضيف جديد الأستاذ حازم عبد المحسن
حازم هو مدير إدارة الاستثمار في شركة ACT Financial
والمشرف على عمليات الاستثمار في الأسهم الخاصة والعامة ومدير شبكة المستثمرين العالميين التابعة لشركة ACT
حازم عنده خبرة طويلة في المجال المالي وتقدروا تتعرفوا على حازم أكتر من خلال اللينك :
https://www.linkedin.com/in/hazem-abdel-mohsen-ba96b263/

بنتناقش في حلقة النهاردة عن:
• يعني إيه طرح عام؟ وانا كصاحب شركة ازاي بتسفيد منه؟
• المميزات اللي الناس بتدورعليها انها تكون موجوده في البورصات
• هل ممكن الجأ للبورصة عشان أزود رأس مال شركتي؟
• هل في قوانين معينة بتنظم عملية الإكتتاب وهل القوانين دي بتختلف من سوق لسوق أو من دولة لآخرى؟
• هل أي حد عنده شركة يقدر يطرح في البورصة؟
• مين المسؤول عن الطرح العام؟
• هل الشركاء المؤسسين بيقدروا يبيعوا حصصهم في البورصة من أول يوم؟
• إيه المفروض يتوفر عندي عشان أقدر أدخل الطرح ده؟
• دور بنك الاستثمار؟
• إيه اللي بيحصل للأفراد لو الطرح أتغطى أكتر من مرة؟
• ما هي العلاقة اللي بتحدد نسبة التخصيص في الطرح؟
• هل من حقي أتداول في الأسهم عادي؟
• إيه اللي بيخلي الطرح العام يجذب مستثمر جديد؟
• هل أنا كمساهم أقدر أشتغل في الطروحات بس؟
• لو معنديش أي خبرة في البورصة هل لازم أول ما أسمع إن في إكتتاب عام أروح اشتري؟
• هل الإكتتابات مضمونة انها بتطلع على طول؟
• إيه اللي مفروض أعرفه قبل ما أشترك في الإكتتاب؟
• هل مدير الاستثمار بتاعي بيعملي الدراسه على الطروحات العامة المتاحه؟

الاستثمار في البورصة من الأفراد للطروحات أو للأسهم المدرجة هو شيء عليه أقبال كبير جداً ، الناس بقت بتبدأ مشاريع ناشئة بكميات كبيرة جداً عمرنا ما كنا في المستوى ده من المشاريع والافكار الناشئة اللي هي ممكن في يوم من الايام توصل انها تبقى موجودة في البورصة فلازم تبدأ تبذل مجهود أكتر عشان تفهم التفاصيل دي بتمشي ازاي عشان الدنيا كلها بقت سابقة في الموضوع ده وانك تبقى فاهم بورصة أو فاهم استثمار ده جزء من انك تبقى فاهم الدنيا ماشية ازاي ولازم ديماً تدور على طرق مبتكره تستثمر بيها الفائض من دخلك بحيث تحقق عوائد احسن

28. اعجوبة العالم الثامنة : الفوائد المركبة

منوّرنا في حلقة الإسبوع ده من كلام ينوّر صديق البودكاست العزيز مروان حايك مروان هو شريك مؤسس لشركة Introspect Capital
وخبرة طويلة في المجال المالي.. تقدروا تتواصلوا مع مروان على :
https://www.linkedin.com/in/marwan-hayek-cfa-bb6170b/
واللي ميعرفش مروان أكيد مسمعش الحلقة رقم 8 اللي اتكلمنا فيها عن مفهوم التضخم وازاي الوقت بيأثر على الفلوس

ولأننا في البودكاست ده بنحاول ديماً نوصّل للناس مفاهيم مالية معقدة شوية بس في إطار بسيط وسهل ومفهوم في حلقة النهاردة بنتناقش مع مروان في مفهوم جديد هو (الفوائد المركبة) واللي بيطلقوا عليه في العالم المالي الأعجوبة الثامنة في العالم

في هذه الحلقة :
- ما هي الفوايد المركبة؟
- الفرق بين الفايدة البسيطة والفايدة المركبة؟
- هل الفايدة المركبة هتوصلني للهدف الادخاري بتاعي أسرع؟
- هل الفرق الحسابي بين الفوائد البسيطة و المركبة كبير؟
- ازاي الفوائد المركبة بتأثرعلى سلوكي الادخاري؟
- قيمته الوقت فلوس ، كل ما تبدأ بدري كل ما هتربح فوايد على الاستثمار
- الفايدة المركبة ممكن تشجع الناس انها تبتدي حتى لو بمبالغ صغيرة
- الفايدة المركبة بتقصرلك الوقت وبتشجعك كمستثمر انك تلتزم بجدول الادخار بتاعك
- هل الفايدة المركبة بعد كده ممكن تساعدني ابطل ادخر؟
- الهدف منه العادة وليس النتيجة في المرحلة دي خاصة لو انت صغير
- أخد فايدة عادية واعيدها كل سنة أفضل ولا اجرب حظي كل سنة؟
- ما هو قانون 72؟
- ليه المعلومات دي متقالتلناش واحنا صغيرين!!
- ازاي الإنترنت سيف ذو حدين؟
- بعد ما فهمت موضوع الحلقة المفروض أعمل ايه؟

وفي النهاية وزي ما بنقول ديماً The Earlier the Better
كل ما تبدأ بدري كل ما هتحقق هدفك أسرع وتوصل للحرية المالية أسهل ، حتى لو بدأت برقم صغير جداً دلوقتي واستثمرت الفوايد مع الوقت هتلاقي نتايج وهتحقق عوائد أكبر

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات
والمصطلحات اللي اتقالت في الحلقة 28 : www.kalamyenwar.com/podcast/episode-28

27. حكايتي مع المجال المالي

في حلقة النهاردة شمس بيحكلنا عن بداياته مع المجال المالي وتجربته الشخصيه والخبره اللي وصلها بعد 15 سنة.. ازاي الموضوع بدأ وازاي تطور من مجرد فضول لشغف لوظيفه ، ايه العلامات اللي أثرت في تجربته دي وايه النتايج اللي خرج بيها بعد 15 سنة

- الشغف والفضول مهمين جداً
- انت مش محتاج موافقة الناس في أي حاجه بتعملها طول مانت فاهم انت بتعمل إيه ورايح فين
كل واحد عنده قصة فريدة من نوعها ، تفاصيل مختلفة ، عمرك ما هتطلع بنفس النتائج حتى لو- حاولت تعمل نفس الحاجات
- حاول ، جرب ، اسمع واقرا أعمل حاجات مختلفة ولكن كلها بتصب في هدف واحد
- متستناش إن النتيجة بتاعتك تبقى صح ديماً
- متاخدش اي حاجه مسلم بيها لازم تدور وتبحث بنفسك
- لازم تكون فاهم إن اللي بيتقال النهاردة ممكن يكون غلط في المستقبل لأن البيئة نفسها بتتغير
- الأحتراف و الأستمرارية من أهم عوامل النجاح في حياتك
- مفيش حل سحري ، مفيش حاجه واحده بتناسب الجميع
- تصرفاتك الغير مباشرة مع أولادك أهم بكتير من أوامرك المباشرة
- توقعاتك في الحياة لازم تكون محسوبه ومنطقية ولازم تستمتع بالنجاحات الصغيرة احنا مش في سباق
- كن متواضع وابتدي حوش واستثمر

التجارب هي قصص عاديه وطول ماحنا عايشين بنمر بتجارب ، بس نقل الخبرات والتجارب دي ممكن يساعد ويلهم ناس كتير بتحاول تبدأ سواء في المجال المالي أو اي مجال عموماً وهو ده هدف حلقة النهاردة

مؤشرات تداول الشركات بالبورصة المصرية :
https://gate.ahram.org.eg/daily/Borsa/203918/البورصة.aspx

زوروا موقعنا الإكتروني هتلاقوا الحلقة مكتوبة وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

26. ازاي تستفيد من صناديق الاستثمار؟

ناس كتير نفسها تستثمر في البورصة ولكن مش عارف تبدأ ازاي! وديماً بيجلنا اسئلة زي ابدأ ازاي؟ اروح فين؟ أفتح إيه؟ إيه الخطوات؟ ولأن الموضوع معقد جداً بنتكلم في حلقة النهاردة عن صناديق الاستثمار واحنا تعمدنا نعمل الحلقة دي بعد إعادة حلقة التقاعد عشان نربط الأتنين ببعض لأن صناديق الاستثمار من الأدوات الاستثمارية المهمه جداً واللي هتقدر تستفيد منها في خططك الاستثمارية سواء في الادخار أو في التقاعد

في هذه الحلقة :
00:44 المقدمة
01:33 الفرق بين حساب شركة السمسرة وصناديق الاستثمار؟
02:43 البُعد ورا صناديق الاستثمار
02:58 ما هو صندوق الاستثمار؟
03:24 نشرة الإكتتاب
04:35 أنواع صناديق الاستثمار؟
07:02 هستثمر في إيه؟
09:25 4 أدوار رئيسية داخل أي صندوق استثماري
13:05 نسبة المصروفات اللي بيتحملها المستثمر
15:00 هل الصندوق الاستثماري ده هيحقق لك هدفك الادخاري؟
16:40 توقع الأرباح والخسارة
18:27 ازاي اشتري أو ابيع صندوق الاستثمار؟
21:08 نصايح عامة
26:29 الخاتمة

وفي النهاية متسمعش لحد أو متبنيش قرارك بناءاً على رآي حد ، اعمل مجهود بنفسك وأقتنع ، اسأل ودور واتأكد من كل حاجه بنفسك.. ولو في حاجه واقفه قدامك ابعتلنا وإن شاء الله ربنا يوفقك في خطواتك الاستثمارية اللي هتاخدها

رابط صناديق الاستثمار :
http://eima.org.eg/wp-content/uploads/2019/01/2018.pdf

لو عندكم معلومات تانية أو اسئلة ليها علاقة بالموضوع ياريت تبعتولنا على صفحتنا على الانستجرام أكتبولنا آرائكم ومقترحاتكم بعد سماع الحلقة وزوروا موقعنا الإكتروني هتلاقوا الحلقة مكتوبة وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenwawr.com